Հայ Eng
COVID-19 Առկա իրավիճակ
Թարմացվել է 04-02-2023՝ ժամը 12:35-ին

446008

435162

2129

8717
Service
...
HETQ.AM
11:17 29/09
HETQ.AM

Հայաստանի նկատմամբ զենքի մատակարարումների պարտավորությունները չեն կատարում նաև դաշնակից երկրները․ Փաշինյան

Այսօր՝ սեպտեմբերի 29-ին, Կառավարության հերթական նիստին վարչապետ Նիկոլ Փաշինյանն ասաց, որ երեկ Հայաստան-Ադրբեջան սահմանի հարավարևելյան հատվածում Ադրբեջանի ԶՈւ-երը հերթական սադրանքն են կատարել և ինժեներական աշխատանքներ իրականացնող մեր ստորաբաժանման ուղղությամբ հարվածներ հասցրել։
Նրա խոսքով՝ սա ադրբեջանական ագրեսիայի հերթական դրսևորումն է, ընդ որում՝ ինժեներական աշխատանքներն իրականացվելիս են եղել ՀՀ տարածքում, և ադրբեջանական ստորաբաժանումները, որոնք հարված են հասցրել, նույնպես գտնվել են ՀՀ տարածքում։ Սա, ըստ վարչապետի, ագրեսիվ գործողությունների շարունակությունն է, ՀՀ տարածքը օկուպացված է, և Հայաստանի դիրքորոշումը միանշանակ է և աներկբա, որ Ադրբեջանի ԶՈւ-երը պետք է հետ քաշվեն ՀՀ տարածքից։
«Նաև ուզում եմ այսպիսի մի նրբության մասին ընդգծել՝ տեղյակ եք, որ մենք ԶՈՒ-երի բարեփոխումների լայնածավալ գործընթաց ենք սկսել, և Ադրբեջանը նման սադրանքներով պարզապես փորձում է այնպես անել, որ ՀՀ-ն հնարավորություն չունենա իրականացնել ԶՈՒ-երի բարեփոխումները։ Նաև տեղյակ եք, որ բոլոր այն ուղղություններով, բոլոր այն դեպքերում, որտեղ հնարավոր է, ցավոք, նրանք որոշակի հաջողություններ ունեն նաև մեր դաշնակիցների հետ հարաբերությունների իմաստով։ Որտեղ հնարավոր է, նրանք փորձում են այնպես անել, որ Հայաստանին զենք և ռազմամթերք չմատակարարվի»,- ասաց Փաշինյանը։
Կառավարության ղեկավարը նշեց, որ կան դեպքեր, երբ հարյուր միլիոնավոր դոլարներ վճարված են, բայց Հայաստանի նկատմամբ մատակարարումների պարտավորությունները չեն կատարվում, այդ թվում՝ դաշնակից երկրների կողմից։
«Սա, իհարկե, ցավալի իրողություն է, և մենք պետք է խորապես վերլուծենք այս իրադրությունը, բայց ամեն դեպքում, ուզում եմ ընդգծել, որ մենք պետք է խորապես արձանագրենք և հասկանանք ևս մեկ բան, որ այս ամենը տեղի է ունենում մի հեռահար կամ գուցե ոչ հեռահար նպատակով՝ որ մենք հրաժարվենք մեր պետականությունից, հրաժարվենք մեր ինքնիշխանությունից, մեր տարածքային ամբողջականությունից զիջումներ անենք, բայց ուզում եմ ընդգծել, որ ի հեճուկս բոլոր գործողությունների՝ մենք վճռական ենք մեր անկախությունը, ինքնիշխանությունը, տարածքային ամբողջականությունը պաշտպանելու գործում։ Եվ փառք բոլոր այն հերոսներին, ովքեր կանգնած են ՀՀ անկախության, ինքնիշխանության, տարածքային ամբողջականության պաշտպանության դիրքերում»,- ասաց Նիկոլ Փաշինյանը։ fade

Ցուցադրված է նյութի 49%
Լրահոս
HRAPARAK.AM
09:30 04/02
HRAPARAK.AM

Փոփոխություններ
Մանրամասներ
  
Բեռնվում է...