NASA-ն բարելավել է տատանումների և հարվածների վերլուծությունը
NASA-ն կիրառում է համակարգչային մեթոդ, որը թույլ է տալիս կանխատեսել հրթիռների և տիեզերանավերի վարքագիծը ծայրահեղ պայմաններում մինչև դրանց պատրաստումը:
NASA-ն հրթիռների և տիեզերանավերի փորձարկման համար կիրառում է համակարգչային հատուկ մեթոդ: Այս համակարգչային մոտեցումն օգնում է կանխատեսել, թե ինչպես են հրթիռներն ու տիեզերանավերը դրսևորում իրենց տարատեսակ ծայրահեղ պայմաններում, ընդ որում՝ դա արվում է նախքան սարքավորումների կառուցումը: Մեթոդի օգնությամբ հնարավոր է դառնում վաղ փուլում հայտնաբերել առկա բոլոր թույլ կողմերն ու խափանումների հնարավոր ռիսկերը: Սրա շնորհիվ մասնագետների թիմը կարողանում է ժամանակին և պատշաճ կերպով անդրադառնալ ստացված բացահայտումներին:
Մասնագետների խոսքով՝ իրենք ներկայումս կիրառում են մի գործիք, որն արդեն տասնամյակներ շարունակ գոյություն ունի: Թեև այդ գործիքը սովորաբար չի օգտագործվում դինամիկ միջավայրերի հետ առնչվող ոլորտներում, այն ապացուցել է իր արդյունավետությունը: Մասնագիտական թիմն այդ գործիքն արդեն իսկ օգտագործել է չափազանց արագ և արժեքավոր տեղեկություններ ստանալու նպատակով: Այդ արժեքավոր տվյալներն օգնել են մասնագետներին շատ կարճ ժամանակահատվածում ստուգել և հաստատել մատակարարի առաջարկած համակարգը:
Աշխատանքների ընթացքում նախ որոշվում ու սահմանվում է, թե որքան խիստ են պատահական տատանումների մակարդակներն ու հարվածների ուժգնությունը: Այնուհետև մասնագետները ստուգում և հաստատում են, որպեսզի ապագա հրթիռների վրա տեղադրվելիք բոլոր մասերն անպայման փորձարկված լինեն նշված մակարդակներին համապատասխան: Դետալների փորձարկումների ապահովումն ու հաստատումն այդ պայմաններում հնարավորություն են տալիս առավելագույնի հասցնել ապագա հրթիռների բոլոր մասերի ծառայության տևողությունն ու դրանց երկարակեցությունը:
