COVID-19 Առկա իրավիճակ
Թարմացվել է 15-07-2020՝ ժամը 22:11-ին

33005

21348

11065

592

Մեր մասին NEWS HUB

Իշխանափոխությունից հետո Հայաստանում կտրուկ ավելացել է կեղծ և մանիպուլյատիվ լուրերի քանակը, որոնք տարածում են բազմաթիվ լրատվամիջոցներ տարբեր խմբային նպատակներով։ Այս լրատվական խառնաշփոթում շարքային ընթերցողին շատ դժվար է կողմնորոշվել։

Մենք, մի քանի ծրագրավորողներով որոշեցինք ստեղծել Newshub.am-ը՝ հայկական լրատվական կայքերի մոնիթորինգի գործիքը, որը հնարավորություն է տալիս տեղեկանալու, թե որ իրադարձություններն են գտնվում հայկական լրատվական կայքերի ուշադրության կենտրոնում։
Ընդ որում, ակնհայտ կեղծ և մանիպուլյատիվ լուրեր տարածող կայքեր մենք չենք դիտարկում։ Մեր գլխավոր խնդիրն է այցելուներին արագ, հավաստի տեղեկատվություն տրամադրելը։

Newshub.am-ը լուրերի ավտոմատ մշակման և համակարգման գործիք է։ Ստացվող լուրերը վերլուծության են ենթարկվում հատուկ ծրագրի կողմից, որը բովանդակությամբ մոտ նյութերը միավորում է սյուժեների մեջ։
Newshub.am-ը ամբողջովին ավտոմատացված է, օգտագործում է մի շարք ալգորիթմներ և զերծ է մարդկային գործոնից։

Այս պահի դրությամբ մենք դիտարկում ենք 43 հայկական լրատվական կայք։

Լրատվական ագրեգատորը հետևյալ հնարավորություններն է ընձեռում լուրերի ընթերցողներին.
  • Կողմնորոշվել տեղեկատվական հոսքի մեջ, հետաքրքրող լուրերի արագ հասանելիություն ստանալ և խուսափել կեղծ նորություններից
  • Թույլ տալ համացանցային լրատվամիջոցներին բարձրացնել արդյունավետությունը և տեղեկանալ ոչ բարեխիղճ լրատվամիջոցների մասին, որոնք պարզապես գողանում են նորությունները
Ցանկացած իրադարձության համար ընթերցողը հնարավորություն ունի տեսնելու, թե այս կամ այն կայքը ինչպես է լուսաբանում այս կամ այն իրադարձությունը։ Այսպիսով՝ Newshub.am-ի այցելուները կարող են մեկ վայրում ծանոթանալ բոլոր կարևոր իրադարձություններին՝ հնարավորություն ունենալով զտել մանիպուլյատիվ լուրերը։

Newshub.am-ը լրատվական կայք չէ, չունի սեփական լրատվություն, այլ ավտոմատացրած գործիք է։ Մենք չենք հետապնդում բիզնես շահեր, բոլոր տեքստերը մեր կայքում ներկայացված են զուտ ծանոթանալու համար։ Հեղինակային իրավունքները պատկանում են նյութերի հեղինակներին և Newshub.am-ը պատասխանատվություն չի կրում դրանց բովանդակության և ճշգրտության համար։
Բեռնվում է...