Հայ Eng
COVID-19 Առկա իրավիճակ
Թարմացվել է 26-09-2022՝ ժամը 01:23-ին

441444

428059

4706

8679
Service
...
ARMTIMES.COM
12:15 16/08
ARMTIMES.COM

Կամավորները նույնպես ունենում են հոգեբանական խնդիրներ․ որոնողական աշխատանքներում ընդգրկված է Կարմիր խաչի 50 անդամ

Երեք օրվա ընթացքում Հայկական կարմիր խաչ ընկերությունը «Սուրմալու» առևտրի կենտրոնում տեղի ունեցած ողբերգական դեպքից հետո հոգեբանական աջակցություն է ցուցաբերել 140 անձի, առաջին բուժօգնություն է ստացել 110 մարդ։
Այս մասին այսօր «Սուրմալու»-ի տարածքում լրագրողների հետ զրույցում ասաց Հայկական կարմիր խաչի գործադիր տնօրեն Աննա Եղիազարյանը։
«Եթե նախորդ երկու օրվա ընթացքում 120 հոգի էր դիմել մեզ՝ հոգեբանական աջակցություն ստանալու համար, գիշերվա ընթացքում 20 հոգի է դիմել։ Դիմում են տուժածների հարազատները հիմնականում, նաև ովքեր տեղում աշխատում են՝ փրկարարները, կամավորները, որոնք նույնպես խնդիրներ են ունենում։ Անմիջապես աշխատանքները սկսելու պահից մենք այստեղ ենք, պետք է լինեինք այստեղ»,- ասաց նա։
Այս պահի դրությամբ որոնողափրկարարական աշխատանքներում ընդգրկված է Կարմիր խաչի 50 ներկայացուցիչ, նրանցից 20-ը ներգրաված են որոնողական աշխատանքներում։ Եղիազարյանի խոսքով՝ տեղում իրականացվող աշխատանքը դժվար է, երբեմն ընկերության կամավորները նույնպես ունենում են հոգեբանական խնդիրներ։
«Ծանր է տեսնել տուժածների, անհետ կորածների հարազատներին նման վիճակում։ Փրկարարները նույնպես ծանր աշխատանքն են իրականացնում, և մենք պետք է աջակցենք նրանց՝ հնարավորինս օգտակար լինելու համար»,- նշեց նա։
Կարմիր խաչի գործադիր տնօրենը նաև արձագանքեց երեկվանից շրջանառվող այն լուրերին, թե տեղում որոնողական աշխատանքներ իրականացնող կամավորները փլատակներից ձայներ են լսել։ Եղիազարյանի խոսքով՝ Հայկական կարմիր խաչ ընկերության կամավորները նման լուրի չեն տիրապետում։
«Հայկական կարմիր խաչի կամավորները նման լուր չեն լսել, մեր կամավորները ոչ մի տեսակի ինֆորմացիա չեն կարող տալ, որպեսզի չբորբոքեն հարազատների վերքերը։ Ինձ ասել են, որ կամավորներ եղել են, որոնք ինչ-որ ձայներ են լսել։ Սակայն դա բացատրվում է նրանով, որ երբ նկուղում էին աշխատանքներ իրականացնում, ձայնը արձագանքում էր այնտեղ, ու տպավորություն է ստեղծվում, թե այլ ձայներ են լսվում։ Ցավոք, նման լուր չունեցանք»,- հավելեց նա։ fade

Ցուցադրված է նյութի 49%
Լրահոս
Մանրամասներ
  
Բեռնվում է...