BETA
BETA
Եվրո-2024. Իտալիան, Չեխիան ու Սլովենիան դուրս եկան եզրափակիչ փուլ (տեսանյութ)
Իտալիան, Չեխիան ու Սլովենիան նվաճեցին Եվրո-2024-ի եզրափակիչ փուլի ուղեգրեր։
Ընտրական մրցաշարի վերջին տուրում Իտալիայի հավաքականը Գերմանիայի Լեւերկուզեն քաղաքում մրցեց Ուկրաինայի հետ։ Գրանցվեց ոչ ոքի՝ 0:0։ C խմբում երկու թիմերն էլ վաստակեցին 14 միավոր, սակայն Իտալիան Ուկրաինայի հետ առաջին խաղում հաղթել էր 2:1 հաշվով, ինչի շնորհիվ էլ գրավեց երկրորդ տեղը եւ դուրս եկավ եզրափակիչ փուլ։
0-0
A Leverkusen #UcrainaItalia #Euro2024 #Azzurri #Nazionale #VivoAzzurro pic.twitter.com/rPxCkwiUi9
C խմբից առաջին ուղեգիրը նվաճել էր Անգլիան, որը վերջին տուրում 1:1 հաշվով խաղաց Հյուսիսային Մակեդոնիայի հետ եւ 20 միավորով գրավեց առաջին տեղը։
E խմբում Չեխիայի հավաքականը 3:0 հաշվով հաղթեց Մոլդովային եւ 15 միավորով գրավեց երկրորդ տեղը՝ նվաճելով ուղեգիր։ Այս խմբի հաղթողը Ալբանիան է, որը վերջին տուրում 0:0 հաշվով ավարտեց հանդիպումը ֆարերյան կղզիների հետ։
H խմբում Սլովենիայի թիմը 2:1 հաշվով պարտության մատնեց ղազախներին եւ 22 միավորով գրավեց երկրորդ տեղը՝ նվաճելով ուղեգիր։
Slovenija gre naprej, SLOVENIJA JE NA EVROPSKEM PRVENSTVU! #SrceBije #EURO2024 pic.twitter.com/4INCQGgSvU
Առաջին տեղը 22 միավորով զբաղեցրեց Դանիան, որը 0:2 հաշվով պարտվեց Հյուսիսային Իռլանդիային։
Եվրո-2024, ընտրական փուլ, վերջին տուր
C խումբ
Ուկրաինա - Իտալիա՝ 0:0
Հյուսիսային Մակեդոնիա - Անգլիա՝ 1:1 (տեսանյութ)
Էնիս Բարդի, 41 - Հարի Քեյն, 59
E խումբ
Չեխիա - Մոլդովա՝ 3:0 (տեսանյութ)
Դավիդ Դոուդերա, 14, Թոմաշ Խորի, 72, Թոմաշ Սոուչեկ, 90
Հեռացում՝ Վլադիսլավ Բաբոգլո (Մոլդովա), 55
Ալբանիա - Ֆարերյան կղզիներ՝ 0:0
H խումբ
Սլովենիա - Ղազախստան՝ 2:1 (տեսանյութ)
Բենյամին Շեշկո, 41, 11մ, Բենյամին Վերբիչ, 86 - Ռամազան Օրազով, 48
Հյուսիսային Իռլանդիա - Դանիա՝ 2:0
Այզեկ Պրայս, 60, Դիոն Չարլզ, 82
Սան Մարինո - Ֆինլանդիա՝ 1:2
Ֆիլիպո Բերարդի, 90+7, 11մ - Պյուրյու Սոյրի, 50, 58
