Հայ Eng
Service
...
AYSOR.AM
21:48 22/02
AYSOR.AM

Կեղտոտ արշավը, որն իրականացնում էր իշխանությունը` վարկաբեկելով հայտնի մարզիկին, իրականում նպատակ ուներ հարվածի տակ դնել Արցախի նախագահին․ Տիգրան Աբրահամյան

Ինչպես արդեն տեղեկացրել ենք, Արցախի նախագահ Սամվել Շահրամանյանին հասարակական հիմունքներով անվտանգության հարցում աջակցություն ցուցաբերող Աշոտ Դանիելյանը ազատ է արձակվել։

«Աշոտ Դանիելյանին մեղադրանք չի առաջադրվել, նրա նկատմամբ քրեական հետապնդում հարուցելու որոշում չի կայացվել։ Այն արարքը, որի կատարման մեջ նա կասկածվում էր՝ թմրանյութեր պահելը, դրանք ապօրինի իրացնելը, չի հաստատվել»,- ասել է նրա փաստաբան Ռոման Երիցյանը։

Տեղի ունեցածին անդրադարձել է նաև ԱԺ «Պատիվ ունեմ» խմբակցության պատգամավոր Տիգրան Աբրահամյանը։

«Արցախի նախագահի օգնականին մեծ «շուքով»` դիմակներով, ձեռնաշղթաներով, աղմուկով ձերբակալելուց 2 օր անց շոուն ավարտվեց, իսկ ՀՀ իշխանության փչած փուչիկը պայթեց:

Վերջինիս փաստաբանը հայտնել է, որ այն արարքը` թմրանյութեր պահել ու դրանք ապօրինի իրացնելը, որում կասկածվում էր Աշոտ Դանիելյանը, չի հաստատվել և նրան ազատ են արձակել:

Այն կեղտոտ արշավը, որը զուգահեռ իրականացնում էր իշխանությունը` վարկաբեկելով հայտնի մարզիկին, իրականում նպատակ ուներ հարվածի տակ դնել Արցախի նախագահին, ով ի դեպ, ԶԼՄ-ների հետ զրույցում թեմային բավականին կոշտ արձագանքել է:

Ակնհայտ էր, որ դա ՀՀ իշխանության պատասխանն էր փետրվարի 20-ի արցախյան շարժման 36-ամյակի միջոցառումներին, որը նախաձեռնել էր Արցախի նախագահը` Եռաբլուր այցով և Արցախի ներկայացուցչությունում միջոցառում կազմակերպելով»,- ընդգծել է Տիգրան Աբրահամյանը:

Այսօր, 21:11

Լիտվայում ՀՀ դեսպանը համատեղության կարգով նշանակվեց դեսպան նաև Էստոնիայում

Խաչատուրյանը հրամանագիր է ստորագրել։

Այսօր, 20:47

ԱՄՆ-ն ու Մեծ Բրիտանիան նույն թեկնածուին են տեսնում ՆԱՏՕ-ի գլխավոր քարտուղարի պաշտոնում

Ստոլտենբերգը հոկտեմբերին կհեռանա։

Այսօր, 20:25

Ինձ դուր են գալիս քաղաքապետարանի նոր ավտոբուսները․ Հայկ Մամիջանյան

Լուսանկարը՝ Հայկ Մամիջանյանի էջից։

Այսօր, 20:07

«Ցանկանում էին կեղծ մեղադրանք առաջադրել ինձ, ինչը չստացվեց»․ Սամվել Շահրամանյանի անվտանգության աշխատակիցն ազատ է արձակվել

Արարքը, որի կատարման մեջ նա կասկածվում էր՝ թմրանյութեր պահելը, դրանք ապօրինի իրացնելը, չի հաստատվել։

Հայաստան, Երևան, Խորենացի, 34 Բ

Հեռախոս` +374 10 547275

էլ. փոստ` [email protected]

2008-2012 © Բոլոր իրավունքները պաշտպանված են: Aysor.am նյութերի օգտագործումն առանց հղման արգելվում է:
Հրապարակման հեղինակի կարծիքը ոչ միշտ է համընկնում խմբագրության կարծիքի հետ:
Գովազդների բովանդակության համար պատասխանատվությունը գովազդատուներինն է: fade

Ցուցադրված է նյութի 49%
Լրահոս
Մանրամասներ
  
Բեռնվում է...