Կորած ՄԻՊ-ի փնտրտուքները շարունակվում են. մտահոգ քաղաքացիները կարող են միանալ որոնողական աշխատանքներին

20:46 16/04
AYSOR.AM

AntiFake.am-ի ներկայացուցիչներն ու այլ քաղաքացիներ տեսանյութեր են տարածում ֆեյսբուք սոցիալական ցանցում` ցույց տալով, թե ինչպես են «փնտրում» կորած ՄԻՊ-ին: Նրանցից մեկը ՄԻՊ-ին «փնտրում է» լոգասենյակում, մյուսը` սառնարանի մեջ, երրորդը` փողոցում` խոտերի մեջ, մեկ այլ օգտատեր ՄԻՊ-ին փորձել է գտնել աղբամանի մեջ, մյուսը` բուխարու ծխնելույզում… Կորած ՄԻՊ-ին առայժմ գտնել չի հաջողվում:

Հիշեցնենք` երեկ` ապրիլի 15-ին, Երևանի բոլոր վարչական շրջաններում «Փնտրվում է ՄԻՊ-ը» գրությամբ հայտարարության թերթիկներ են տարածվել, որում նշվում է, որ «ՄԻՊ-ը դուրս է եկել Պուշկինի 56ա հասցեից և այլևս չի վերադարձել»։ Հայտարարության հեղինակները խնդրում են ՄԻՊ-ին հայտնաբերելու դեպքում կապվել հայտարարության մեջ նշված հեռախոսահամարներով։

Հիշեցնենք, որ «Իմնեմնիմի» փոդքասթի համահեղինակներ և վարողներ Նարեկ Սամսոնյանը և Վազգեն Սաղաթելյանը ձերբակալվել են մարտի 22-ին և կալանավորվել են երկու ամիս ժամկետով փոդքասթի 83-րդ թողարկման ընթացքում Նիկոլ Փաշինյանի հանձնողական քաղաքականության վերաբերյալ սուր գնահատականներ հնչեցնելու համար: Փոդքասթերները ձերբակալվել են թողարկումից երկու օր անց։ AntiFake.am կայքի հիմնադիր, «Քաղաքացիական գիտակցություն» ՀԿ ղեկավար Նարեկ Սամսոնյանի ձերբայալությունը տեղի է ունեցել կոպիտ ուժի կիրառմամբ դիմակավորված երեք ոստիկանների և քաղաքացիական հագուստով հինգ անձանց կողմից։

Ձերբակալության օրը՝ մարտի 22-ին, ժամը 14:00-ի սահմաններում ՄԻՊ գրասենյակը հաղորդագրություն է տարածել այն մասին, որ Նարեկ Սամսոնյանի ձերբակալման վերաբերյալ համացանցում տարածված տեսանյութի առնչությամբ Մարդու իրավունքների պաշտպանի հանձնարարությամբ սկսվել է ուսումնասիրություն: Ուսումնասիրության շրջանակում Պաշտպանի հանձնարարությամբ արագ արձագանքման այց է իրականացվել ՀՀ ՆԳՆ ոստիկանության բաժին։

Ապրիլի 4-ին կառավարության նիստից... fade