BETA
BETA
Դպրոցը պետք է նաև արժեքներ և դիրքորոշում ձևավորի. 46 մենթոր դպրոցներում մեկնարկել է ուսուցչական համաժողովը
ՀՀ կրթության, գիտության, մշակույթի և սպորտի նախարար Ժաննա Անդրեասյանը Մասիսի թիվ 5 ավագ դպրոցում ներկա է եղել «Կրթության դերը պետության ամրապնդման գործում» ուսուցչական համաժողովի համայնքային փուլի մեկնարկին:
Ինչպես տեղեկացրին ՀՀ կրթության, գիտության, մշակույթի և սպորտի նախարարությունից, առաջին անգամ անցկացվող համաժողովն ապրիլի 26-ին մեկնարկել է Հայաստանի 46 մենթոր դպրոցներում՝ Կրթության զարգացման և նորարարությունների ազգային կենտրոնի նախաձեռնությամբ: Վերջինիս մասնակցել է ՀՀ բոլոր մարզերի 700 ուսուցիչ, որոնք ներկայացրել են 611 զեկույց 4 թեմատիկ ուղղություններով՝
ազգային դպրոցը կրթության և մշակույթի օջախ,
կրթության դերը պետության զարգացման գործում,
կարողունակահեն կրթությունը՝ քաղաքացիական հասարակության զարգացման խթան,
կրթությունը թվային հասարակության մեջ. պետության մարտահրավերները, խնդիրները, հեռանկարները։
ԿԳՄՍ նախարար Ժաննա Անդրեասյանը, խոսելով համաժողովի նպատակների մասին, կարևորել է Երևանի և ՀՀ տարբեր մարզերի դպրոցների ուսուցիչների աշխատանքի տեսանելիության բարձրացումը և լավագույն փորձի փոխանակումը. «Առկա է շատ լավ փորձ, և կարևոր է, որ մեր ուսուցիչներն ունենան հարթակներ, որտեղ կարող են կիսվել այդ փորձով, սովորել մեկը մյուսից, ինչի արդյունքում կունենան նոր գաղափարներ և այլ դպրոցների իրենց գործընկերների հետ համագործակցության նոր հնարավորություններ»:
Նախարարի գնահատմամբ՝ երկխո...
