BETA
BETA
Վարչապետ. «2018-ին որոշեցինք լինել տանտեր՝ առանց մտածելու դրա հետևանքների մասին, հասկանալո՛վ չմտածեցինք»
Քաղաքացու օրը Հայաստանի տոնացույցում հայտնվեց 2018 թվականի Ժողովրդական, ոչ բռնի, թավշյա հեղափոխությունից հետո, «նշանավորելու դե ֆակտո հաստատումը վաղուց ի վեր հայտարարված այն բանաձևի, որ Հայաստանի Հանրապետությունում իշխանությունը պատկանում է ժողովրդին», - ասված է օրվա առթիվ վարչապետ Նիկոլ Փաշինյանի հղած ուղերձում:
«Այդ բանաձևն այլևս անշրջելի իրողություն է Հայաստանում և ապացուցվում է նաև վերջին տարիների իրադարձություններով, երբ երբեմնի էլիտաները, որ ի զորու էին փոքր հավաքներում որոշել ո՞վ լինի իշխանություն և ո՞վ ընդդիմություն, այլևս ի վիճակի չեն դա անելու, որովհետև նման որոշումներ կայացնելու իրավունք և հնարավորություն արդեն ունի միայն մեկ սուբյեկտ, և այդ սուբյեկտը Հայաստանի Հանրապետության Քաղաքացին է, և քաղաքացիների հավաքականություն Ժողովուրդը», - հայտարարում է Փաշինյանը՝ շարունակելով. - «Հենց Քաղաքացու՝ որպես իշխանության բարձրագույն կրողի, օծումը տեղի ունեցավ 2018 թվականի Ժողովրդական, ոչ բռնի, թավշյա հեղափոխությամբ, և օծված Քաղաքացին է, որ մեզ հն...
